News Details
11/08/2024
وزیراعلیٰ خیبر پختونخوا سردار علی امین خان گنڈا پور کا'تعلیم کارڈ' کو چترال اپر سے پائلٹ پراجیکٹ کے طور پر فوری شروع کرنے کے احکامات
وزیراعلیٰ خیبر پختونخوا سردار علی امین خان گنڈا پور نے 'تعلیم کارڈ' کو چترال اپر سے پائلٹ پراجیکٹ کے طور پر فوری شروع کرنے کے احکامات دیتے ہوئے محکمہ ابتدائی و ثانوی تعلیم اور محکمہ خزانہ کے حکام کو تیاری جلد مکمل کرنے کی ہدایت کی ہے۔
وزیراعلیٰ خیبر پختونخوا سردار علی امین خان گنڈا پور نے یہ احکامات ابتدائی و ثانوی تعلیم سے متعلق ایک اہم اجلاس کی صدارت کرتے ہوئے دئے. اجلاس میں صوبائی وزیر برائے ابتدائی و ثانوی تعلیم فیصل خان ترکئی، وزیر اعلیٰ کے مشیر برائے خزانہ مزمل اسلم، چیف سیکرٹری خیبر پختونخوا ندیم اسلم چوہدری، سیکرٹری ایلیمنٹری اینڈ سیکنڈری ایجوکیشن مسعود احمد اور دیگر حکام نے شرکت کی۔
وزیر اعلیٰ سردار علی امین خان گنڈا پور نے 'تعلیم کارڈ' کو ایک وڑنری پروجیکٹ قرار دیا جس کا مقصد طلباءکو معروف اداروں سے معیاری تعلیم تک رسائی کے قابل بنانا ہے۔ انہوں نے اس منصوبے کی کامیابی کو یقینی بنانے کے لیے وسائل کو تیزی سے متحرک کرنے اور ضروری انتظامات کی تیاری کی اہمیت پر زور دیا۔ محکمہ تعلیم اور خزانہ کو خصوصی طور پر ہدایت کی گئی کہ وہ اس مقصد کیلئے درکار تقاضوں اور انتظامات کو کم سے کم وقت میں مکمل کریں۔ وزیراعلیٰ خیبرپختونخوا نے کہا ہے کہ پسماندہ ضلع سے تعلیم کارڈ کا اجراءکررہے ہیں،بہترین نتائج کے لئے منصوبے کو پہلے چترال اپر سے پائلٹ کیا جائے گا،دیگر ضلعوں تک مرحلہ وار وسعت دی جائے گی. سردار علی امین گنڈاپور نےکہا کہ یہ ہماری حکومت کا فلیگ شپ منصوبہ ہوگا، مستقبل کے نوجوانوں پر یہ ہماری حکومت کی سب سے بڑی انوسمٹمنٹ ہوگی۔
اپر چترال سے پائلٹ پراجیکٹ شروع کرنے کا فیصلہ چیف سیکرٹری ندیم اسلم چوہدری کی بریفنگ کے بعد کیا گیا، جنہوں نے وزیر اعلیٰ کی ہدایت پر بالائی چترال میں گلیشیئر پھٹنے کے واقعے کے بعد صورتحال کا جائزہ لینے کے لیے چترال اضلاع کا دورہ کیا. وزیر اعلیٰ نے چترال میں بے گھر ہونے والے خاندانوں کی مدد کے لیے قلیل اور طویل مدتی منصوبہ بندی کی ضروریات کے بارے میں دریافت کیا۔ انہوں نے متعلقہ حکام کو مزید ہدایت کی کہ وہ تباہی سے متاثرہ افراد کو رہائش فراہم کرنے کے لیے تمام ممکنہ آپشنز تلاش کریں۔ا ±نہوں نے طویل مدتی بحالی کے لیے ایک پائیدار منصوبہ بھی لازمی قرار دیا اور اس سلسلے میں اقدامات ا ±ٹھانے کی ہدایت کی ہے۔
اجلاس میں دور دراز اور پسماندہ علاقوں میں تعلیم کو بہتر بنانے کے لیے دیگر اقدامات پر بھی غور کیا گیا۔ حالیہ بورڈ امتحانات میں ٹاپ سکور کرنے والی طالبہ سے کیے گئے وعدے کے مطابق، وزیر اعلیٰ نے محکمہ تعلیم کو ہدایت کی کہ طالبہ کے آبائی ضلع شانگلہ میں سکول کے قیام کو تیز کیا جائے۔ یاد رہے کہ تقسیم انعامات کی تقریب کے دوران یہ بات سامنے آئی تھی کہ شانگلہ سے تعلق رکھنی والی طالبہ کو گاو ¿ں میں اسکول نہ ہونے کی وجہ سے پرائیویٹ تعلیم حاصل کرنے کے لیے طویل فاصلہ طے کرنا پڑا اور بالآخر امتحانات میں ٹاپ پوزیشن حاصل کی۔ اس سارے صورتحال میں والد نے بیٹی کو بھرپور سپورٹ کیا. وزیراعلیٰ خیبرپختونخوا نے ایسے علاقوں کو خصوصی توجہ دینے کے احکامات جاری کئے ہیں۔